原谅他77次影评，男朋友绝对不要带女友去看

《原谅他77次》一睇个他字系用男仔他，就知又系一套讲个男仔点得罪女仔，之后个女慨点样忍气吞声咁原谅渠慨戏。呢啲戏作为一个男生其实系唔应该去睇，因为套戏好可能就系讲紧你做过慨嘢，更加唔应该带埋你女朋友去睇，因为渠只会好似戏入面慨阿Sa咁，将一件本来唔应该连埋慨事一次过讲晒出嚟，到最后唔只周柏豪俾人话，连你自己都会身受其害。影评-港片原谅他77次：男朋友绝对不要带女友去看。

带女朋友睇完可能你会后悔。（网上图片）

渠要话你错，你又可以点？（网上图片）

当然，如果你系作为一个自信慨男人，觉得自己好完美，系一个满分慨男朋友，以为自己可以带埋女友入场睇，耻笑周柏豪慨时候，其实你已经错得好交关。因为你女朋友只会同你讲：「你而家无做过唔代表之后唔会做啰，你睇吓周柏豪同埋黄秋生都系偷偷地背住自己嗰个flirt其他女仔，你要呃住我我点会知啫！」结果你又系被人莫须有地宣布罪名成立，因为喺你女朋友眼中天下男人系一样黑，你而家无，但系你将来会有。现今大部份慨爱情电影，男人好似已经成为反派，永远都要做衰人。叶念琛系列讲到好似每个男人都会偷食，志明春娇系列张志明永远都系长唔大慨细路，今次呢套其实都系差唔多，柏豪不停俾阿Sa话佢唔成熟。当渠听到柏豪唔做律师走去教拳，嗰个反应大到以为唔做律师系会死，虽然渠有兜返话系要尊重柏豪老豆慨意愿，不过明眼人都睇得出渠系觉得教拳系无前途，认为放弃律师呢份高薪厚职系十分不智慨行为。当然戏中讲到慨唔成熟行为唔只呢样喇，例如去旅行要plan，点解去旅行一定要plan？你唔俾人钟意自由自在想去边就去边？点解唔plan一定系唔成熟慨行为呢？

有人话过，去一次旅行就知嗰个人同你夹唔夹。（网上图片）

喺套戏入面，惠英红大概有一句咁样慨说话：「女人系咁喇，就系要忍。」听到之后真系觉得好委屈，咩叫女人就系要忍？点解要讲得呢个世界得男人先会犯错？唔通男人就唔使忍慨？而家慨戏将男人标签为反派，女人就变成充满大爱而又悲情慨主角，虽然话而家兴女权主义啫，都唔使去到咁尽下嘛？我唔敢讲周柏豪做慨嘢唔系错，不过喺戏入面佢做慨每一件事都唔会系啱，郁啲就俾阿Sa写落小气簿（即系嗰本原谅他77次） 。可能渠的确系会犯错、唔细心，不过又俾阿Sa连人带波射入网，将以前错慨事又拎返出嚟讲。睇到呢度，我醒起子华神曾经讲过：「从来其实系有个实质慨次数，当你衰到第三次，你就从来都系咁衰。」本来我都系当笑话听吓就算，不过睇完呢套戏真系有好深刻慨体会，即使柏豪曾经做过咩好事，只要有一样喺阿Sa眼中慨衰嘢出现，渠就会俾阿Sa话从来都系咁衰：

买梳化尺寸错咗，衰！

唔记得阿Sa食提子但唔食提子干，衰！

送礼物送云端呢啲喺阿Sa眼中无用慨礼物，衰！

去旅行唔识路，衰！

朋友迟到无问题，柏豪落雨塞车迟到，衰！

好彩套戏无讲足77次系衰咩，如果唔系我真系会觉得男士们系会当场自杀，因为原来男人呢种生物系衰到咁慨地步，不如都系快啲投胎做女人。当然，现实中唔会所有男人都似柏豪，亦都唔会所有女人都好似阿Sa咁，只系电影慨世界就系咁，我建议男士们无咩事都唔好去睇爱情片喇。

维系感情唔好靠小气簿原谅太多变老奉

提到近年港产爱情电影，大家一定会谂起叶念琛一系列慨公式电影，一系就《志明与春娇》系列。上星期又上咗套，就系改篇自李敏同名小说的《原谅他77次》，其实77次只不过系一个数字，拍拖点会真系计足77次就分手先得。一开头我真系觉得阿Sa饰演慨Eva好「港女」，郁下就闹Adam(周柏豪饰)兼记录在案，睇到有啲想撕烂本小气簿，但最后我觉得Eva其实一啲都唔港女。

记唔记得边份生日礼物令到你好难忘呢？

男朋友同自己屋企人慨关系都好重要。

学戏中阿Sa话： 「人生，为真爱付出过，才不枉此生。」呢句虽然好old school，但起码成班睇到班女观众劲buy先。读法律慨Eva同Adam呢对由大学已经一齐慨情侣，女慨就顺理成章做律师，男慨就为父母压力先读法律，毕业之后做一阵律师就辞职，要女朋友好似阿妈咁踢下渠先识搵工，讲真边有女仔唔想男朋友脚踏实地打份工，我都要为自己计画下将来嘛，你咁样真系令到我好无安全感啰。当自己有返咁上下年纪，拍拖到一定地步，适婚年龄又快到，最怕爱情变感情，尤其身边嗰位好似长唔大咁，同渠讲结婚一定唔会肯，生小朋友更加系遥不可及慨事。港女系恨嫁但又惊嫁错，见到男朋友同自己屋企人一见面就狗咬狗骨疯狂闹交，自己夹住系中间做磨心，想渠哋修补关系真系难过登天，完全唔敢想像将来男友变做渠哋女婿慨情景。

讲到生日礼物就火，我认为最紧要系有心思系唔hea慨都算，但Adam用咗接近成皮嘢买1TB慨云端服务送俾女朋友做生日礼物，1TB究竟送俾嗰女仔有咩用呢？用嚟download韩剧？(创意慨嘢我识条铁咩)。以上种种行为应该可以两个字黎形容—「幼稚」，而Eva都只系发下老脾呻下就算，因为佢咁做都系想为Adam好，至少呢啲系可以原谅慨范围。

就系阿娇送本《原谅他77次》日记簿俾阿Sa。

爱情无分对错，始终事实是残酷的，性格唔啱就系唔啱，分手只不过系迟早慨事。虽然女仔嗰心系好想无限宽恕对方嚟维系段感情，但只得自己付出，话唔攰系假慨，因为原谅得多就会变习惯，人哋会当你「老奉」。希望睇完呢部戏系慨你，唔好真系搵本小气簿嚟记录男友得罪自己琐碎事慨过程啦。